網紅的藏寶箱太鍾意方皓玟，所以唔能夠好客觀咁去讚呢個演唱會，總之我睇得好滿足，好多歌都係”識唱一齊唱”，而今日先知小明手中文字咁靚。
本來監製話請我睇，我話我買咗飛喇。可以課金去支持自己鍾意嘅藝人，係一種幸福。
演唱會嘅嘉賓係RubberBand同林家謙，以上兩個單位都係現在香港樂壇最活躍，而且最可以代表現役樂隊同男歌手嘅藝人，好親切，好香港。
另外見到有一部steady cam喺台上，有時都追到小明好近，如果呢個演唱會會出DVD或者Blu-ray， 應該會幾好睇。
(啲相我自己用iPhone影，細圖呃到人，放大啲微粒就好粗)